Løgtingslóg um at keypa fastogn í Føroyum
Endamálið við lógaruppskotinum er:
- at tryggja at tann, sum eigur fastogn í Føroyum hevur tilknýti til Føroyar,
- at tryggja at talið av útlendingum, sum eiga fastogn í ávísum økjum í Føroyum ikki verður ov høgt, og
- at uppskotið ikki setur óneyðugar forðingar fyri útlendskum vinnuvirksemi í Føroyum.
Loyvisskipan:
Øll, sum búgva fast í Føroyum – uttan mun til tjóðskap – kunnu keypa fastogn uttan at søkja loyvi áðrenn. Persónar, sum ikki aktuelt búgva í Føroyum, men sum hava búð í Føroyum í samanlagt 5 ár, kunnu eisini keypa fastogn uttan at søkja loyvi.
Persónar, sum ikki hava fastan bústað í Føroyum, og sum heldur ikki hava búð í Føroyum í samanlagt 5 ár, skulu søkja landsstýrismannin um loyvi at keypa fastogn í Føroyum. Somuleiðis skulu feløg o.o., sum ikki hava heimstað í Føroyum søkja um loyvi, áðrenn fastogn verður keypt.
Um loyvi skal gevast persóni, sum ikki hevur fastan bústað í Føroyum, og sum heldur ikki hevur búð í Føroyum í samanlagt 5 ár, er ein ítøkilig avgerð í hvørjum einstøkum føri.
Uppskotið er sent beinleiðis til:
- Almannamálaráðið
- Heilsumálaráðið
- Uttanríkis- og mentamálaráðið
- Umhvørvis- og vinnumálaráðið
- Fíggjarmálaráðið
- Fiskivinnumálið
- Tinglýsingin
- Útlendingastovan
- TAKS
- Brúkaraumboðið
- Skráseting Føroya
- Dátueftirlitið
- Fróðskaparsetur Føroya
- Vinnuhúsið
- Føroya rættur
- Føroya Kommunufelag
- Advokatfelag Føroya
- BLF
- Skyn
- Betri Heim
- Meklarin
- MEGD
- Útoyggjafelagið
- Bústaðir
Uppskot Til Løgtingslóg Um At Keypa Fastogn Í Føroyum 